وفجأة لقيتني مفيش
وفجأة
لقيتني مفيش
كان
قاعد
جنب
الجورة مدمّع
م
البصلة اللي أكلها يصبّر نفسه لبعد الضهر
و
بيحلم
إنّه
يلاقي ف ميّة سمك امبارح سمكة
تكون
أمّه
لمّا
أبوه امبارح زعّق فين الأكل
وقعت
منها
وانا
شايفه
متداري و مرعوب من ابوه
اللي
بيضرب أمّه ليلاتي
ويسبّ
و يلعن ف العيشه
مستنّي
أبوه يخرج م الحارة
علشان
يلعب ويّا أصحابه
ولمّا
هيكبر
راح
يكتب شعر ويتجنّن
ويقول
أفكاره لكل الناس
و يقول
الناس مش فهماني
ويحبّ
البنت المش من بلده
بسّ
بقالها سنين ويّاه
لحد ما
دخلت جوّا عروقه
ولفّت
بوصلة فكره عليها
والبنت
هتتهرّب منّه
"مين
عارف بكره هيبقى ازّاي"
"ويمكن
تبقى الحلم الجاي"
أحلامها
كتيره
وهو
الحلم الواحد عنده تبقى أميرة
ولمّا
هتزهق منّه تقولّه
"أنا
حبّيت بسّ مش انت"
هيحسّ
انّ الكون بقى ضيّق
أأضيق
من جلابيّة ابوه
اللي
ورثها وولّع فيها
وهيقعد
في الأوضة
المعزولة ويكتب
شايفه
متداري
ومرعوب من ابوه
أو
كان في
الأوضة كتاب ومراية
وكان
فيه واد مولود ويّايا
كان
بيخدني القهوة الصبح
يطلب
نكته وأطلب شاي
كان
بيقلّب في الجرنال
وبعد
ما يقرا البخت يسيبه
كان
بيسبني
ويّا
بيكاسو ورامبو وإليوت والأحلام
ويغرق
جوّا اللحظة الصافية
ويّا
النكته والقفشات
كان
فيه واد مولود ويّايا
مقسّم
قلبه شقق مفروشة
وغاوي
يسكّن فيها بنات
إلّا
البنت اللي انا مش عارف
ملكت
قلبي ازّاي بالحب
صحيت
الصبح
رحت
القهوة وقلت سبقني
طلبت
الشاي وقعدت استنّى
ولسّه
مجاش
وعشان
بلقاني ساعات باتغيّر من جوّايا
باتمنّى
ارجع عيّل تاني
أصرخ
تحت المطرة بنشوة وفرحة قلب بريْ
وانا
عارف
إنّ
امي هتزعل
وأبويا
هيضرب
ويذنّبني
لحدّ المغرب وانا مبلول
أرجع
ما اقدرش اتحدى
واسرق
قلم الواد إسلام ف الفسحه وأضحك
لمّا
القاه بيدوّر
وبيسألني
وأنا بالذات على قلمه أضحك
وأسمّع
سورة الناس للأبلة بشوق
لسقفة
كل الفصل عشاني
اللي
بترفع قوي من شاني
لمّا
احكيها لكل عيال الحارة العصر واضحك
وأقعد
ويّا جارتنا ف اوضة النوم أضحك
لمّا
تبوسني أو تحضنّي أضحك
علشان فاهمه إنّ انا مش فاهم
إنّ دا
شوق للفارس
اللي
اتأخّر قوي ونساها
اااااه
فجأة
وانا
قاعد في الأوضة وباكتب
ما
لقيتنيش
فخرجت
اجري ورايا اندهلي
لقيتني
مفيش
شاكر المغربي
https://www.youtube.com/channel/UCoE6Ox9wl4IOIfvDRsk2WYQ
تعليقات
إرسال تعليق